සමනළ සිහිනය….

සමනළ සිහිනය මල් වරනා සද
සිතයට කවියක් ලියවෙනවා
සිහිනෙක ඈතට පියඹා යන්නට
තරු දහසක් රෑ පායනවා……
අත්තටු හැකිලෙන සීතල හිරිකඩ
රෑ සද පානේ නලියනවා
ගී හඩ මිමිණෙන ඈතක ඉදගෙන
මල් සුවදක් හෙමිහිට එනවා……
පියමැන පිණි මත පමා නොවන්නට
ඒ සිහිනය පසුපස යනවා
බිදුනොත් සිතුවිලි පරවී සිත ලග
දුක විතරක් තනියට එනවා…..

Advertisements
Posted in Uncategorized | Leave a comment

ආයෙත් නුඹ…

සද වට ඇහැරෙන පිණි දිය අහුලන්
මං ආ දුර හොදටෝම ඇති
වැරදුන තැනවත් කියාදෙන්න මට
නුඹවත් මං ළග නොහිටි හැටී

අහස සිඹින දුම්රොළු යට
හීන තියන් කඩපිල උඩ
බලන් ඉන්නවා
නුඹ ආයෙත් ඒවියි කියා සිතෙනවා

Posted in Uncategorized | 1 Comment

පතමි පැතුමන්……..

රිද්මයක් වූ ජීවිතේ
තනුව මට නුඹම විය
ගීතයක් වූ ජීවිතේ
අරුත මට නුඹම විය………
හීනයක් වූ ජීවිතේ
හසරැල්ල නුඹම විය
ජීවිතේටම මගේ හිතේ
රැදුණු රුව නුඹම විය……
සිත් මලින් සරසලා
කදුළු මුතු අමුණලා
දුක සතුට වියැකිලා
නොයයි විජිතය පුරා…….
නුඹ මගෙයි මා ඔබෙයි
නොවේ කිසිදා වෙනස්
ජීවිතේ සතුට ලග
පතමි පැතුමන් සහස්……..

Posted in Uncategorized | Leave a comment

ආයෙත් කිසිදා……..

දෑස කඩාගෙන කදුලක් වැටුනා
ඒ මොහොතේ ඔබෙ රුව නෙත
එනමුත් ආයෙත් කිසි දවසක අපි
අපේ නොවන බව විතරක් හිතුනා

සිහින පොතේ තව පිටුවක් ඉරුනා
ඒ හීනෙත් ඔබෙ හසරැලි තිබුනා
ආයෙත් කිසිදා ඔබ මා හිනැහෙන
තත්පරයක්වත් නැති බව හිතුනා

අහස් වියන යට තරුවක් තිබුනා
ඒ තරුවත් නෙත් කදුලින් මැකුනා
ආයෙත් කිසිදා ඔබ මා වෙනුවෙන්
තරුවක්වත් නොදිලෙන බව හිතුනා

Posted in Uncategorized | 1 Comment

මසිත තනිවී……

සුවද මල් කැන් පිපී
ඉමිහිරියි දස දෙසම
ඒත් නුඹ නැති නිසා
පුරන් වී මගේ සිතම……
සියොතුන් ගොස් ඇත
පුරන් වුන කෙත නිසා
සිනා කැන් ඉගිලිලා
මසිත තනිවම නිසා…….

Posted in Uncategorized | Leave a comment

පරාජය

ඒක විහ්වාස කරන්න එපා…..පරාජය කියන්නේ බොරුවක්..එහෙම දෙයක් නෑ….ඔබ පරාජය උනානම් කවුද දිනන්නේ…ඔබේ දෛවයද…ඉරණමද…අපලයද…සමාජයද…අමතක කරලා දාන්න…ඔබ පරාජය වුනා කියලා කවුද කිව්වේ..ඒක අමූලික බොරුවක්…ඔබ පරාජය වුනා කියන්නේ මොකක්ද දන්නවද..ඔබ පරාජය වුනා කියන්නේ…ඔබ දිනන්න සූදානම් කියන එක….

Posted in Uncategorized | 1 Comment

සැනසීම

සැනසීම කියන්නේ සදාකාලික සතුටට ….අපට එක එක දේවල් නිසා නිකන් ටියුබ් ලයිට් වගේ දැල්විලා නිවිලා යන සතුටක් එන්න පුළුවන්…. ඒත් ඒක සැනසීම නොවේ…සැනසීම කියන්නේ කාලාන්තරයක් දීර්ඝව පවතින සතුටට….සතුට කියන දේ එහෙම දීර්ඝ කාලයක් හදවතේ තියාගන්න අමාරුයි…..ඒක ලිස්සලා යනවා..ඇගිලි තුඩු වලින් අතැරිලා යනවා…..හරියට වතුර දෝතක් වගේ කොච්චර බොකුටු කරලා අත අල්ලගෙන හිටියත් වතුර දෝතේ රදන්නේ නෑ…..සතුටත් ඒ වගේ…..අපට අපේ සතුට සදාකාලික කරගන්න ඕන නම්….ලබාගත්ත සතුට දිගටම පවත්වාගෙන යන්න වැඩ කරන්න…කැපවෙන්න….සතුට කියන දේ මොහොතකට ලබා ගන්නට පහසුයි….ඒත් සදාකාලිකව තබාගන්නට අමාරුයි…ඒ නිසා කැපවෙන්න…අප ළග ඇත්තටම සදාකාලික සතුටක් ඇතිවෙච්ච දවසට අප ඇත්තටම ඇත්තටම ජයගත් අය..ඒ කියන්නේ අපි ඇත්තටම සැනසිලිදායක මිනිස්සු….

Posted in Uncategorized | 1 Comment